PRESIDENTIAL INAUGURAL
QUIRINO GRANDSTAND
JUNE 30, 2010

PANATA SA PAGBABAGO
Composed by: Sonny Coloma and Marian Pastor Roces

Pilipino ako
Namamanata
Na tutulong ako sa ating pamunuan
Sa pagtataguyod ng marangal na pamamahala
Sa pagpapalakas ng isang lipunang makatarungan
At sa pagpapatingkad ng ating demokrasya
Upang guminhawa ang pinakamamahal nating bayang Pilipinas.
Gagampanan ko
Ang lahat ng katungkulan
Ng isang mabuting mamamayan
Na kasing-tindi ng paghamon ko sa ating mga pinuno
Na sumunod sa landas na matuwid
Makikipag-kapit-bisig ako sa aking kapwa Pilipino
Sama-sama nating babaguhin
Ang takbo ng kasaysayan upang umiral ang kagandahang-loob.
Ipinangangako ko ito sa ngalan ng aking mga ninuno at mga apo
Patnubayan nawa ng Poong Maykapal ang sambayanan.